港聞

港聞二

下一篇
上一篇

劉江華:想同青年加強溝通

【明報專訊】修訂《逃犯條例》引發巨大爭議,走到最前線抗議嘅唔少係年輕人,令人覺得政府同民情脫節,特別係青年嘅聲音政府都聽唔到。有份負責青年工作嘅民政事務局長劉江華噚日出席立法會民政事務委員會後,就回應傳媒話希望可以同青年加強溝通,仲舉例子點樣聽青年意見𠻹。

青年自薦入委員會計劃受歡迎

劉江華話,政府青年事務委員會推動青年委員自薦計劃已經開始,部分委員會亦幾受歡迎,好似電影、郊野公園、公共圖書館等,話政府希望透過呢啲渠道吸納多啲意見,其他意見都會不斷聆聽。不過,就算青年自薦加入呢類委員會,又可以點樣就政府具體政策例如今次嘅修例向政府表達意見呢?Emily都好想知。

上周六政府高層舉行集思會,劉江華話會上評估咗過去一啲情况,而重點係向前看,希望政府為民生、經濟嘅工作可以繼續,又話相信官員會繼續與唔同界別青年接觸。

上 / 下一篇新聞