港聞

港聞二

下一篇
上一篇

蔣麗芸重提政改 歸咎反對派 工黨反駁:建制等埋發叔缺席投票

【明報專訊】《逃犯條例》修訂事件發展至今,近日開始有人要求重啟政改,民陣召集人岑子杰噚日話,要向G20國家領導人提出「香港人可以實踐民主制度未?」等問題;民建聯立法會議員蔣麗芸(Ann姐)就喺facebook話,岑子杰應該問反對派議員點解反對2015年嘅政改方案。不過佢隨即被工黨駁斥,工黨指當年政改方案係建制派集體「等埋發叔」缺席投票,叫Ann姐應該問建制派議員咁話。

民陣明晚集會 擬向各國領導提問

話說民陣聽晚趁G20峰會前夕喺中環集會,岑子杰噚日會見傳媒時提到會向各國領導提出數大問題,包括「香港人值得擁有民主嗎?」、「香港人應該有民主嗎?」、「香港人可以實踐民主制度未?」

Ann姐喺facebook引述有關新聞並斥「岑子杰你錯了」,叫佢應該問反對派議員,點解反對2015年嘅政改方案、令港人嘅民主進程原地踏步,「為何剝奪香港人一人一票選特首的機會?」工黨則駁斥:「蔣麗芸你錯了!」提番政改方案明明係建制派集體「等埋發叔」而缺席投票,又標註笑稱「民建聯隊友又加一分」,叫佢應該問立法會建制派議員。當年方案最後喺8票贊成、28票反對下被否決。

上 / 下一篇新聞