港聞

港聞二

下一篇
上一篇

植潔鈴拍片致歉 稱游蕙禎似張耀揚「man樣」

【明報專訊】民建聯區議員植潔鈴(Elaine)近日將立法會前議員游蕙禎嘅相片,用作自己喺通訊軟件Telegram(Tg)帳戶嘅頭像,引起網民熱論,兼畀游蕙禎致電批評。現已更換頭像嘅Elaine噚日凌晨喺facebook上載短片,承認「用咗就真係用咗(游相片),喺呢度講聲唔好意思」。

網民:何必再加暗言暗語挑釁

反對《逃犯條例》修例運動中,Tg係示威者主要交流平台之一。Elaine喺短片形容Tg近期好流行,自己本想了解多少少,用個人電話號碼安裝Tg軟件;對於用游蕙禎相片做頭像,佢解釋用Tg時「唔用真名真相是常識吧」,揀頭像時諗住揀個女仔樣,「又好好彩揀中游小姐」,話本身真係唔知相中人係游蕙禎,覺得佢幾靚女之餘,亦有啲似藝人張耀揚嘅「man樣」,所以當時就揀咗張相;並喺hashtag話「道歉要露面」。呢個post截至噚晚9點吸到4800個嬲嬲同900多個笑臉,有網民就話,「認錯道歉就已經足夠...何必要再加啲暗言暗語去挑釁」。

相關字詞﹕游蕙禎 植潔鈴

上 / 下一篇新聞