港聞

港聞二

下一篇
上一篇

中大學生會長 籲政府連登睇民意

【明報專訊】近日有消息話,政府高層正考慮同反對《逃犯條例》修例嘅示威者對話,不過喺呢場「無大台」運動中,要搵啱對口單位「對話」都係一個問題。中大學生會會長蘇浚鋒噚日出席港台節目《城市論壇》時,就建議政府如果要謙卑聆聽民意,有一個好簡單嘅做法,就係「睇連登(討論區)」。

連登討論區可謂反修例運動嘅重要平台,唔少網民都會交流反修例意見、甚至示威行動策略。蘇浚鋒批評政府過去忽視年輕人聲音,例如青年發展委員會好多成員都係政商界二代,佢強調年輕人唔止係衝或者「搞破壞」,同樣可以好理性,政府如果真係要溝通,唔應該只係做公關伎倆。佢認為,喺無大台嘅情况下,政府的確好難同示威者溝通,然而上連登睇吓民意,已經係一個簡單易做嘅方法,但政府喺整個修例過程都無聽年輕人聲音,令人覺得無助。

上 / 下一篇新聞