港聞

港聞二

下一篇
上一篇

「我要見指揮官」 網民讚志偉勇武

【明報專訊】民主黨主席胡志偉過往形象溫文,但繼早前喺特首答問大會怒斥特首林鄭月娥後,有網民近日上載短片,顯示胡志偉喺上周三(12日)立法會外衝突期間,冒住催淚彈煙霧瀰漫,面不改容咁走到防暴警面前,多次大叫「我要見指揮官」,網民大讚勇武。

根據網上片段,上周三喺添美道近立法會大樓一帶,有警員開槍發射催淚彈,落喺胡志偉背後一帶,當時身穿T恤嘅胡志偉,有口罩但無掩口,多次高呼「我要見指揮官」,但警方未有回應,胡志偉講到第3次時,警方更加喺佢隔籬施放催淚彈,胡志偉仍然面無懼色,繼續高呼「我係立法會議員,我要見指揮官」、「Who is your commander」,就算身邊催淚煙霧瀰漫,都無阻佢前行,亦無表現不適。佢其後走到警察中間,警員用盾牌擊地發出巨響鎮懾,胡志偉都未見膽怯。

口罩冇掩口 面不改容

唔少網民見讚胡志偉「勇武」,有連登仔讚佢「有啲勁,咩裝備都冇係咁吸催淚彈仲可以不停大叫」,亦有人形容警察「企圖攻擊香港最大反對黨主席」。

上 / 下一篇新聞