港聞

港聞二

下一篇
上一篇

前粉嶺裁判法院上堂 首屆模擬法庭夏令營接受報名

【明報專訊】有近60年歷史、被評為三級歷史建築嘅前粉嶺裁判法院,經過活化後,現時為香港青年協會領袖學院,中學生有好多機會喺呢個古典建築內上堂。嚟緊7月17日至20日就會有第一屆「模擬法庭夏令營」,由執業律師擔任導師,同學員分析唔同類型嘅刑事案件,學習香港嘅法律制度,𠵱家仲接受報名。

除咗夏令營,學院亦舉辦唔同嘅「學生領袖體驗活動」,其中一個名為「文化偵探」,參加者要偵查穿越古今嘅懸案。活動用咗混合實境MR(Mixed Reality)科技,參加者要佩戴MR眼鏡,用智能手機掃描特定嘅QR Code(二維碼)蒐證,之後要就搵到嘅證據舉行模擬審訊。可以喺咁莊嚴嘅前法院環境試吓查案同審訊,相信會別有一番感覺。

相關字詞﹕模擬法庭夏令營 香港青年協會領袖學院

上 / 下一篇新聞