港聞

港聞二

上一篇

石乃、食奶 「石禮謙」考起議員

【明報專訊】《逃犯條例》法案委員會「鬧雙胞」爭議,立法會內務委員會噚日討論委員會去向,泛民、建制議員舌劍唇槍,多次就不同議題疊聲辯論,但其中一個爭拗點,竟然係建制派最資深議員、經民聯石禮謙個名點讀。

美娟:KK讀書唔多,笑佢係你醜

話說工聯會黃國健(KK)發言時,批評泛民衝擊建制派嘅委員會,「你衝擊人因為你心虛」,其間誤將「石禮謙」讀成「石乃謙」,工黨張超雄其後糾正,「係石禮謙,唔係石乃謙」;工聯會麥美娟(Alice)隨即為黨友KK抱不平,話KK雖然讀書唔多,「你(張超雄)讀咁多書去笑佢,係你醜」。

點知Alice話口未完,何君堯發言時就食螺絲,「石乃……食奶……石禮謙議員」,泛民議員忍唔住笑。公民黨譚文豪其後就話,何君堯示範咗讀書多定少同講錯嘢冇關係,唔好覺得糾正就係歧視讀書少。

上 / 下一篇新聞