港聞

港聞二

上一篇

稱代表民主黨遭質疑 許智峯語塞

【明報專訊】中西區議會噚日舉行大會,民主黨許智峯同黨友吳兆康喺正式開始會議前,就反對《逃犯條例》作口頭聲明。其間阿峯就話代表民主黨反對修例,點知被隔籬嘅民建聯楊學明話佢已被民主黨凍結黨籍,怕佢盜用咗民主黨個招牌,阿峯亦冇即時回應。

阿峯舊年4月因為喺立法會大樓內搶走保安局女職員手機事件,被民主黨凍結會籍,至今未解凍。

阿峯噚日孖住民主黨吳兆康一齊喺開會前做口頭聲明時,講到自己代表民主黨反修例,亦希望在座嘅建制派議員唔好再撐政府強推修例。點知,楊學明一句突破盲點,質疑許智峯已經被凍結咗黨籍,係咪真係可以代表民主黨,仲話「我驚佢盜用民主黨招牌呀!」而阿峯嗰刻都冇回應到,大會繼續。

相關字詞﹕中西區議會 許智峯取手機 許智峯 emily

上 / 下一篇新聞