港聞

港聞二

下一篇
上一篇

明報奪兩人權新聞獎

【明報專訊】噚日係2019年度「人權新聞獎」頒獎禮,本報記者攞咗兩個獎,當中攝影組喺公開投票嘅組別獲得最佳新聞圖片,中國組記者就攞到突發新聞優異獎。

攝記曾憲宗嘅得獎作品《三名被告》,喺旺角暴動案審判嘅求情階段,捕捉到3名被告離開荔枝角收押所、上囚車嘅一瞬間,當時梁天琦抬頭仰望。今年評委選咗6張相,喺網上畀人一人一票揀心頭好,結果阿宗呢張作品脫穎而出,獲得一人一票最佳新聞圖片。

阿宗同Emily講,當時喺山上從高處拍攝,呢張相代表住旺角大衝突嘅法律程序暫告一段落,究竟香港人權狀况又會點樣改變,需要新聞從業員關注。阿宗形容自己當時係「覺得應該要影就影」,佢好多謝投票畀呢張相嘅人,相信相片觸動大家嘅原因係基於對香港嘅關心。

本報中國組同事陳奕勤同方嬋珠,則憑《佳士3個月工運清場》報道獲得突發新聞優異獎。Emily再次恭喜各位同事!

相關字詞﹕梁天琦 曾憲宗 人權新聞獎

上 / 下一篇新聞