港聞

港聞二

上一篇

執法犬研討會 政府部門交流心得

【明報專訊】大家平時喺街上或各出入境口岸,可能都見過不同執法部門嘅執法犬當值,包括海關搜查犬同警犬等,海關噚日(15日)就喺海關學院舉辦咗「2019香港執法犬研討會」,研討會嘅主角,當然係一班執法犬;其間仲舉行咗聯合演練,由領犬員同狗狗示範穿越障礙物及依照指令檢取物件,表現出佢哋嘅靈敏度及服從性。

Emily一直以為執法犬發現可疑人物時都會衝上前攻擊,原來係誤解,例如海關搜查犬,會喺機場、各陸路邊境管制站及貨櫃碼頭,協助執行緝毒、搜查爆炸品及大量現金工作,當佢哋發現可疑物品時,係會安靜咁坐喺對象前面唔郁嘅。

出席研討會嘅包括有執法犬嘅各個政府部門,如警務處、懲教署、消防處同漁護署等,會上佢哋交流狗狗繁殖、福利及訓練等議題,國家海關總署及澳洲邊防局首次應邀出席今次研討會,分享犬隻管理嘅經驗同心得。

相關字詞﹕海關 香港執法犬研討會 警犬 海關搜查犬 執法犬

上 / 下一篇新聞