港聞

港聞二

下一篇
上一篇

Tanya出院:多謝醫護 多謝阿媽

【明報專訊】佔中9人案被告之一嘅公民黨議員陳淑莊(Tanya)今個月7號做完移除腦膜瘤手術,據悉化驗後證實係良性,佢嘅facebook專頁噚日更新Tanya嘅狀况,由facebook嘅小編代筆、Tanya口述,話手術後住院一個禮拜後,Tanya噚日(14日)終於獲醫生批准出院。

出院點調理 聽阿媽吩咐

Tanya多謝眾醫生,喺發現腦部有腫瘤迹象,就即刻安排做詳細嘅腦部掃描,又向法庭提供醫療報告,並且細心解釋手術風險;佢又感謝聖德肋撒醫院嘅醫護人員,畀佢手術後有個安心休養嘅環境,當然唔少得感謝關心佢嘅各方好友同家人,「多謝各方好友及聖心師妹們的關懷問候,銘記於心,恕未能一一道謝。最後,一定要多謝阿媽,眠乾睡濕照料我,出院後調理身子要吃什麼就聽從阿媽你吩咐」。

之前法庭批准Tanya押後至6月10號判刑,Emily希望Tanya喺呢段時間好好休養,用平靜嘅心境迎接判刑結果。

相關字詞﹕陳淑莊 emily

上 / 下一篇新聞