港聞

港聞二

下一篇
上一篇

港Google Maps年底顯示優質旅遊商舖

【明報專訊】家陣有Google Maps傍身,世界通行,香港Google Maps最快喺年底可顯示「優質旅遊服務」計劃嘅商舖、食肆同埋住宿,等旅客搵路之餘,順便可以搵好嘢食,聽聞香港仲係首個亞洲地區有呢個服務。

彭耀佳談應對貿戰:笑吓,it's free

旅發局主席彭耀佳話,中美貿易戰會影響旅遊,要喚醒香港人,若經濟轉差,「我哋唔係無嘢可以做㗎,就係笑吓,it's free,服務員笑多啲,旅客覺得賓至如歸,話唔定會畀多啲貼士」。環顧日本、台灣等地待客態度好過我哋,佢話人哋做得好,我哋可能不進則退,長遠要提升呢啲競爭力。

其實旅客又點睇香港服務呢?旅發局話,旅客最唔like香港嘅Wi-Fi,其次係的士司機態度,其餘順序包括食肆同商舖態度,以及住宿價值;最like嘅係交通、入境程序、觀光,同埋住宿待客態度。

「劉華」已經講咗十幾年,今時今日咁嘅服務態度係唔得,旅發局為咗提提大家,準備拍新宣傳片,嚟緊仲會同Google合作喺Google Maps顯示「優質旅遊服務」計劃商戶,旅發局總幹事劉鎮漢話,到時旅客有不滿可照舊投訴,而Google Maps又可以幫手宣傳計劃嘅商戶,相信可以吸引更多商戶加入「優質旅遊服務」計劃。

上 / 下一篇新聞