港聞

港聞二

下一篇
上一篇

吸引老友記 後生也捧場 粵曲區諾軒唱紫釵記𧨾街坊

【明報專訊】李居明一套《粵劇特朗普》,令粵劇突然變成潮流話題,連立法會議員區諾軒(區軒)都忍唔住,要化身「粵曲區諾軒」,開腔唱番幾句畀街坊聽,𧨾街坊嘅同時都保育粵曲文化。有人仲向Emily爆料,話有後生仔特登聽曲,就係為咗捧區軒場!

同社區主任合唱《愛拼才會贏》

話說區軒同西環飛躍動力召集人、社區主任葉錦龍(Sam),噚日喺西營盤舉辦「粵曲妙韻聚城西」活動。區軒同Emily講,佢自己親身上陣,唱咗《紫釵記》同埋幾句《萬惡淫為首》,又同阿Sam合場一曲《愛拼才會贏》,街坊反應幾好咁話喎。

阿Sam同Emily解釋,因為地區冇乜粵曲活動,所以研究吓喺社區工作上,有冇咩新穎方法可以吸引一班老友記,同時亦希望保育粵曲。佢話區軒本身喺地區都有唱開粵曲,噚日有50個街坊聽曲,仲有後生仔特登捧區軒場𠻹!阿Sam又爆料話區軒席上大讚粵劇伶人龍貫天好厲害、唱戲相當有感情,Sam仲話下次會試吓叫區軒cosplay粵劇特朗普,大家拭目以待喇。

相關字詞﹕粵劇特朗普 李居明 粵劇 區諾軒 立法會議員 emily 特朗普

上 / 下一篇新聞