港聞

港聞二

下一篇
上一篇

聶德權鄧忍光二人飾三角

【明報專訊】立法會《國歌法》法案委員會噚日繼續開會,討論廣播媒體播放國歌嘅規定。

𠵱家廣播牌照規定,持牌廣播媒體都要播放由政府新聞處發放嘅政府宣傳聲帶或短片,包括播放國歌,𠵱家電視台都會播放國歌,但唔見電台有播。對於日後電台播國歌嘅安排,分別做過新聞處長同廣播處長嘅政制及內地事務局長聶德權同常任秘書長鄧忍光,就兩人分工分飾三角色,解答議員提問。

鄧忍光:信港台會做應該做嘅貢獻

昨日會上資訊科技界議員莫乃光問到𠵱家電台播放國歌安排,鄧忍光回答話,目前無安排港台同商營電台播放國歌,不過具體安排依然要跟廣播牌照規定。莫追問,公營嘅香港電台又憑咩原則播國歌?做過廣播處長嘅鄧忍光就話,港台約章列明使命之一係培養市民同公民對國民身分認同感,相信港台會做應該做嘅貢獻,無論公營或商營電台,政府嘅手法會一致。

咁,邊個會安排電台播國歌呢?呢樣就輪到做過新聞處長嘅聶德權回應,佢話政府宣傳聲帶或短片嘅播放要求係由相關決策局提出,新聞處只負責執行。

兩個官答完後,佢哋無講清楚日後會唔會要求電台播國歌,但電台牌照就規定,若政府要求,電台係要播嘅!

上 / 下一篇新聞