港聞

港聞二

下一篇
上一篇

郭家麒形容婆婆聽到國歌「彈起身」 老戰士聯誼會促道歉

【明報專訊】「香港各界青少年活動委員會」早前推出宣傳國歌短片,片中一名輪椅婆婆聽到國歌奏起時,撐住拐杖、由旁人攙扶下起身肅立唱歌,其後被發現係一位名叫羅志萍嘅東江縱隊老戰士。公民黨郭家麒日前喺立法會審議《國歌法》嘅委員會上,批評要老人家聽到國歌「彈起身」以顯示愛國精神係低級趣味,呢番話引嚟「老游擊戰士聯誼會」噚日去立法會外示威,要求郭家麒道歉。

聯誼會約有30人示威,聲明形容,郭家麒、民主黨尹兆堅同工黨張超雄3名作出批評嘅議員係侮辱抗日老戰士,形容言論「冷血、無情、無恥」,話羅志萍奏國歌時從輪椅上企起身,係自發地表達對國歌嘅尊重。民建聯葛珮帆等建制派議員到場聲援,要求郭家麒等3人接收請願信並道歉,3人最終無現身。

郭家麒向Emily強調,其言論無意傷害羅志萍,自己本身亦唔識對方,佢想帶出嘅信息,係若如短片描述,輪椅人士聽到國歌都要起身唱歌先係正常嘅話,咁其實先係唔正常,因為正常做法,係應該容許身體有問題嘅人坐低唱國歌。

相關字詞﹕郭家麒 國歌

上 / 下一篇新聞