港聞

港聞二

上一篇

聶德權靠跑步聽歌減壓

【明報專訊】政制及內地事務局長聶德權上年拍片回顧一年工作,片中沿住城門河係咁跑;局長最近接受馬會刊物《駿步人生》訪問時就透露原來佢平時好鍾意跑步,今年第3次參加渣馬,約兩個鐘就跑完半馬,而佢最鍾意一邊跑步一邊聽歌減壓。

聶德權上任後要處理《國歌法》,佢話會盡力令國歌法可於今個立法年度通過。聶德權做局長之前,做過社署署長,佔中期間係新聞處長,佢話佔中時嘅工作挑戰性大,「過程好辛苦,要24小時on call,電話不離身」,而佢嘅減壓方法就係聽住歌跑步,戴上耳筒聽廣播,出一身汗,仲話跑步可以訓練意志同紀律。

訪問後記就提到,本來想影局長跑步英姿,但最終配合唔到,要局長辦公室供相。局長跑步嘅英姿其實唔少人見過,Emily搵番資料,佢舊年嘅工作回顧短片有跑過吓,今年同「任何仁」拍消防處宣傳短片時都係以跑步形式出場。

相關字詞﹕跑步 政制及內地事務局 聶德權 emily

上 / 下一篇新聞