港聞

港聞二

上一篇

被指獲車位租金優惠 元朗議員稱誹謗報警

【明報專訊】近日有人喺facebook群組「唱」元朗區議會副主席王威信,話元朗樓盤發展商私下畀王威信租用10年車位,指控王威信車位租金唔使加租,又話佢「做戲」接橫額、擺街站扮抗議停車場加價。王威信由朝早9點就喺自己fb連出3個post否認同反駁,仲去埋警署報警。Emily問佢係咪「憤怒鳥」,佢話「今年係(區選)選舉年,有人想造謠踩低對手,令自己得分,不過我真金不怕洪爐火」。

王威信仲喺fb講到明,「倘若有關人士在12小時內繼續散播這則言論,本人將不予通知立刻採取法律行動」。佢解釋,2016年買Grand YOHO 9座特色單位時,附帶可租用車位10年嘅權利,仲貼咗5張車位租金單據出嚟,話佢2017年尾同上年尾嘅車位都被加租,無租金優惠,𠵱家畀緊月租3600元。王之後又貼相,話去咗元朗警署報警,斥造謠者係誹謗名譽,屬於刑事。不過佢報完警,又要急急腳返去開會,之後先補錄口供。而本來「唱」佢嗰個,唔知係咪被王威信震懾咗,原post喺夜晚已經無咗影。

上 / 下一篇新聞