港聞

港聞二

下一篇
上一篇

金澤培自爆愛打GTA

【明報專訊】港鐵行政總裁金澤培(金博士)上個月履新,佢噚日第一次以行政總裁身分同傳媒茶敘。港鐵呢一年發生唔少事,金澤培喺呢個時候接手,佢慨嘆自己上任後已唔止「瘦咗一個圈」。

任港鐵總裁 用6部手機

可能因為要處理嘅問題太多,金博士有6部手機,最近仲買咗隻有可彎曲屏幕(flexible OLED)嘅智能手表,以便隨時都可以覆到電郵。Emily上網搵過,呢隻有flexible OLED嘅智能手表,係內地公司「努比亞」出品,號稱係「可以穿戴的手機」,官網售價3499元人民幣(約4064港元),可以連接支付寶QR Code付款功能。港鐵明年開始會接受用支付寶QR Code付款入閘,唔知金博士係咪打算用隻手表嚟測試新入閘機呢?

金博士又同一班記者講到佢嘅興趣,佢話好鍾意打機,最鍾意嘅兩隻games係《俠盜獵車手》(GTA)同《暗黑破壞神》(Diablo);又話自己只識一種運動,就係耍太極,仲強調係「真嗰種」。至於佢回答問題同處理工作上會唔會耍太極呢,Emily同好多市民一樣,都需要時間觀察一下。

相關字詞﹕支付寶 努比亞 港鐵 金澤培

上 / 下一篇新聞