港聞

港聞二

下一篇
上一篇

衛署邀「飢餓畫家」創作李洗手 提你洗手

【明報專訊】近年政府創作唔同「吉祥物」作宣傳,適逢5月5號係「手部衛生日」,衛生署今年亦一反傳統,邀請本地藝術家「飢餓畫家」創作卡通,又整新海報同WhatsApp貼圖,以「潔手要夠20秒,7個部位不能少」為口號,喺醫療機構同社區推廣手部衛生嘅重要,提醒市民洗手必須搓手至少20秒,並要洗到手掌、手背、指隙、指背、拇指、指尖、手腕7個部位。

衛生署話宣傳卡通係以功夫人物為創作概念。但Emily唔明點解潔手要搵個露腋毛嘅男人去推廣?又覺得呢個卡通男子熟口熟面,於是問番「飢餓畫家」創辦人Ron Chiu。

創作人:洗手動作似武林秘笈

Ron Chiu話圖中男子原來叫「李洗手」,因為覺得洗手啲動作似武林秘笈,於是就以功夫為題,創作出呢個功夫師傅。至於原型人物係邊個,佢就話留畀大家聯想啦。

上 / 下一篇新聞