港聞

港聞二

下一篇
上一篇

人唔喺立會 阿臻動議獲通過

【明報專訊】社福界立法會議員邵家臻上個月因佔中案被判即時入獄,之後因血壓略高,由收押所送院留醫,仲未知幾時出院,噚日立法會教育事務委員會開會,就因為邵家臻唔喺現場,發生咗小插曲。事緣體育、演藝、文化及出版界議員馬逢國質疑,邵家臻唔在席,仲需唔需要處理佢3月底提出,有關為自修生代繳文憑試考試費嘅動議議案。委員會主席葉建源就話,按慣例事務委員會層面可以處理,仲話之前亦已處理咗唔喺位嘅民建聯主席李慧琼提出嘅動議,最終邵嘅動議亦獲通過。

上 / 下一篇新聞