港聞

港聞二

下一篇
上一篇

蔣麗芸會議廳鬧人肥婆

【明報專訊】立法會今日舉行特別內會,傾建制派提出發「指引」畀修訂《逃犯條例》嘅法案委員會,由經民聯石禮謙取代民主黨涂謹申主持選主席程序。內會噚日例會已火花四濺,多個議員質疑身兼民建聯主席嘅內會主席李慧琼開特別內會嘅急切性,民主派會議召集人毛孟靜鬧李慧琼「手法百分百下流」,引起兩派對罵,民主派嗌「民建聯最無恥」。鬧到完會,仍喺會議室嘅民建聯蔣麗芸(Ann姐)無啦啦叫「肥婆黃碧雲」,黃碧雲回敬「無恥民建聯」。

黃碧雲回敬:無恥民建聯

Ann姐同碧雲都係九龍西議員,喺其他會議都曾針鋒相對。噚日會上民主派批評李慧琼冇諮詢全體議員就召開周六特別內會,同埋內會發出指引嘅法律理據亦未釐清。Emily唔明呢的爭拗同肥瘦有咩關係。

李慧琼話過去開特別會議唔係次次諮詢全體委員,且事件有迫切性。佢想落下個議程時,毛孟靜走到主席台前,指摘李慧琼手法下流,李慧琼話感冒犯,請毛離開會議室。民主派議員圍喺毛附近,人力陳志全高叫「賤格下流李慧琼、民建聯最無恥」,同被李慧琼要求離開會議室,二人喺會議夠鐘結束時,仍拒離開。

上 / 下一篇新聞