港聞

港聞二

上一篇

狄志遠義務做宏恩副校 非不問政事

【明報專訊】《逃犯條例》修訂掀社會爭議,前立法會議員、新思維創黨主席狄志遠雖不在議會,但佢話仍關心政治,同民主黨中人、某啲建制派都仲有聯繫,唔係遠離政圈。比起活躍政界,狄志遠放更多時間喺學界,原來佢𠵱家喺宏恩基督教學院做協理副校長,話做𠵱個崗位係神嘅旨意,而且係義務性質,唔收分文。

逃犯條例爭議鬧得熱烘烘,Emily問狄志遠周日有無去遊行,狄志遠話嗰日去咗跑馬拉松。佢話60歲退休後,每朝7點起身跑步,目標跑齊馬拉松大滿貫六大賽事,3月跑完東京馬拉松,6小時完成42公里。

狄志遠噚日出席宏恩基督教學院傳媒聚會。聽佢講,原來加入咗宏恩幾個月,視之為侍奉上帝,主力對外工作,間中幫手校內社工課程,指導學生畢業論文。

上 / 下一篇新聞