港聞

港聞二

下一篇
上一篇

西環海旁針織公仔墜海 船家勇救

【明報專訊】發展局以「一邊開放、一邊優化」嘅概念,3月底率先開咗西環卑路乍灣海濱長廊第一期嘅172米長廊,仲同本地針織塗鴉工作室La Belle Époque合作,擺咗針織公仔陪大家睇日落,Emily都去過「打卡」。但有網民噚日喺facebook話,其中一隻貓公仔跌咗落海,仲問「有冇人可以救佢(公仔)?」結果附近一個船家叔叔冒險執番公仔上岸,由網民送番去針織工作室。

Emily同好心網民梁小姐傾過,佢話噚日朝早見到貓公仔跌落海,自己只係幫咗一個小忙,將公仔物歸原主,最重要係有船家幫手。

網上流傳隻貓公仔消失咗一星期,但一度被擺番原位,La Belle Époque喺fb專頁話,據佢哋了解,有好心人曾將公仔擺番原位,結果又被掉落海,又話街頭藝術品一旦放喺街就屬於社區,有心理準備會被破壞,但冇心理準備會有人救番,所以寄語大家,「只要這地方還有這樣的人,我們不可能絕望」。

上 / 下一篇新聞