港聞

港聞二

上一篇

期刊傳媒公會成立 陳茂波馬拉松比喻

【明報專訊】科技發達,新聞講求即時、快速,與此同時,仍有唔少期刊重視深入報道。話說「香港期刊傳媒公會」噚日舉辦成立酒會,創會會員共有46家期刊,創會會長為《紫荊》雜誌社社長楊勇,創會主席為《鏡報月刊》執行社長徐新英,公會並邀得全國政協常委余國春擔任榮譽會長。

近年好多人鍾意跑馬拉松,財政司長陳茂波早前跑完渣打馬拉松1.8公里領袖盃賽事後,似乎都迷上呢項運動,致辭時用跑步比賽形容期刊。波叔話,有啲人可能享受100米短跑嘅爆炸力同力量感;但馬拉松則展現堅韌、多樣化,更能匯聚人氣,亦更有感染力,佢話公會嘅成立都同馬拉松賽事相似,唔同主題期刊機構聚首,發揮行業睿智、冷靜嘅洞悉力,以更具深度、廣闊視角,探討讀者感興趣嘅話題。

相關字詞﹕跑步 新聞 馬拉松 渣打 傳媒 運動 陳茂波

上 / 下一篇新聞