港聞

港聞二

下一篇
上一篇

卿姐幫襯反修例拉麵店

【明報專訊】民陣周日發起反對修訂《逃犯條例》遊行,灣仔日式拉麵店「麵匠風龍」喺店外貼咗反修例口號標語,喺網上熱爆,唔少人讚老闆敢言,特登去幫襯,其中包括民主黨前主席劉慧卿。卿姐同Emily講,佢噚日要做網台節目,中午打算搵餐廳醫肚,一諗就諗起麵匠風龍。

卿姐話食咗碗豬扒拉麵,都有同老闆閒聊幾句,佢問老闆生意有無受影響,老闆就話「生意有好咗」。卿姐仲向老闆拍心口話「有人搞你就搵我幫忙」,之後兩人握手合照(圖)。唔知小店拉麵質素如何?卿姐話覺得都幾好味,仲叫Emily下次可以去幫襯。

上 / 下一篇新聞