港聞

港聞二

下一篇
上一篇

引印尼大選 蔣麗芸促減投票時間

【明報專訊】印尼本月17日舉行總統大選,同時舉行國會及地方選舉,當地合資格選民有1.9億,選舉投票率逾八成,人手連夜點票,272名參與選舉工作嘅人員懷疑過勞死亡、1800多名員工病倒。立法會政制事務委員會過去不下一次討論香港係咪要引入電子點票同縮短投票時間,民建聯立法會議員蔣麗芸(Ann姐)噚日就借印尼今次事件,要求政府考慮縮短投票時間等。

Ann姐話,香港選舉一樣有通宵點票問題,指票站工作人員唔習慣通宵工作並需長時間點票,容易工作過勞,仲話長時間維持同一點票姿勢,有可能導致血管栓塞,影響健康。佢話立法會投票日嘅投票時間已長達15個鐘,過去更有票站選民排到凌晨兩點半先完成投票,令投票時間長達19個鐘。

Ann姐表示,投票完結前不能開票,即使只有一個票站未完成投票程序,大家都要繼續等,工作人員又要通宵當值,甚至有啲票站因為候選人票數好近要重新點票,到翌日中午先完成。佢形容對工作人員嚟講係「酷刑」,所以要求政府做相關研究,並引入電子點票加快工作。

相關字詞﹕電子點票 印尼大選 蔣麗芸 選舉

上 / 下一篇新聞