港聞

港聞二

上一篇

EQ連踩兩團好精力

【明報專訊】立法會喺今個星期日至三(21至24日)舉辦長三角考察團,民建聯其後緊接喺星期四同五(25至26日)組團去大灣區考察,該黨議員葛珮帆(EQ)可謂精力十足,事關佢係唯一連踩兩團嘅民記議員,24號深夜喺杭州返嚟,第二朝再出發北上。民主派早前退出長三角團,EQ形容對議員拒絕考察內地感到「好心痛」,話唔少香港青年被「誤導」,拒絕到內地嘗試,但內地發展空間其實無限大。

24號晚杭州返港 第二朝再北上

民記呢個兩日一夜考察團,先後到深圳、廣州同佛山,參觀6個「孵化器」創業基地,了解內地創科配套發展,由於噚日立法會委員會有會議,所以EQ同主席李慧琼喺第一晚(25日)已離團返港,民記嘅會務顧問、全國人大常委譚耀宗繼續帶傳媒參觀。

EQ形容,唔少香港青年覺得上內地發展「好委屈」,但其實香港同大灣區城市嘅距離,可以短到好似「新界去港島」,佢話好多港青對大灣區零認識,如果唔親身北上,唔會知道市場有幾大、機會有幾多,希望港青更放膽嘗試,唔好只聽對內地嘅「抹黑」。

上 / 下一篇新聞