港聞

港聞二

下一篇
上一篇

民主黨見唐偉康 傾足一個鐘

【明報專訊】民主黨去年底宣布成立國際事務委員會,加強同國際溝通聯繫,噚日佢哋一行人去見美國駐港總領事唐偉康(Kurt Tong),討論各類港人關心問題。委員會主席劉慧卿同Emily講,數星期前Kurt喺美國會演講,佢聽完之後約對方見吓面。

卿姐話,委員會噚日同Kurt大約見咗一個鐘,都係講吓《逃犯條例》修訂建議、佔中案判決等事件,會上向Kurt表達商界、專業人士、非政府組織同記者對於修例都好擔心;同埋佔中案判決4人入獄,會出現寒蟬效應,令大家擔心表達自由。卿姐又話會上都表達咗港人對一國兩制、高度自治受侵蝕嘅憂慮,批評特首林鄭月娥冇代表港人捍衛呢啲價值,反而似僕人,北京要做乜就做乜。至於Kurt點睇,卿姐就拒絕透露。

民主黨成立國際事務委員會,希望整合與外國嘅聯繫、加強交流,咁短期內會唔會有外訪計劃?民主黨副主席羅健熙話,今明兩年分別有區議會及立法會選舉,實在太忙,所以估計委員會舉辦大型外訪機會較細;至於個別人士外訪,就要視乎各自日程。

相關字詞﹕一國兩制 民主黨 逃犯條例 emily 立法會 美國 林鄭月娥

上 / 下一篇新聞