港聞

港聞二

下一篇
上一篇

理大執教廿載 黃碧雲上完最後一課

【明報專訊】民主黨立法會議員黃碧雲喺理工大學教咗20年書,佢早前預告即將喺理大退休放下教鞭,全身投入立法會嘅工作。佢喺facebook度話,噚日佢喺理大上完最後一課、出完最後一份試卷,學生考完試,佢改埋卷之後,就正式完成佢喺理大嘅教學工作,下星期開始退休前休假。佢仲喺理大校園自拍留念,又話最令佢煩惱嘅最後一項工作,就係執辦公室。

之前熱血公民立法會議員鄭松泰都喺理大任教,但就因為「倒插國旗事件」不獲校方續約。碧雲出完post後,又留言叫大家唔好誤會,強調自己唔係「被退休」,而係「夠鐘退休」。佢又話,通識教育中心都有問佢願唔願意下學年再幫手教一科,佢亦婉拒咗,碧雲話「畢竟已教了20年,共40個學期,也是時候告別在理大的教學工作了」。

相關字詞﹕民主黨 理工大學 黃碧雲

上 / 下一篇新聞