港聞

港聞二

下一篇
上一篇

連續3年 民陣7.1未能借維園球場

【明報專訊】由泛民主派多個團體組成嘅民陣每年7.1都會舉辦遊行,過去傳統係喺維園集合並起步,不過近幾年維園足球場都被建制團體借用舉辦回歸展覽等活動,此舉亦令泛民非常不滿。民陣噚日喺facebook話,收到維園通知,回歸當日6個硬地足球場再次被「享有較優先使用權的團體」佔用。民陣估計,今次都係被建制人物「假借慈善團體之名,惡意入紙維園足球場,阻止民陣進行七一大遊行起步之用」。

做過民陣召集人嘅立法會議員區諾軒(區軒)話,今年已經係民陣第三年未能借場,相信係建制「蓄意玩嘢」,但佢相信參與遊行嘅人已習慣由銅鑼灣四方八面咁加入遊行隊伍,唔擔心會影響遊行,認為大家應該關注嘅係,團體濫用慈善團體嘅牌借場搞政治類型活動嘅不公平。

過去民陣都會循遊行上訴委員會,同警方爭取遊行更好安排,區軒話佢已強烈建議團體唔好咁做,因為改變唔到結果之餘,反而仲畀機會警方、律政司合理化佢哋不公嘅決定。

相關字詞﹕emily

上 / 下一篇新聞