港聞

港聞二

上一篇

高永文組「禾花雀隊」鬥快觀鳥

【明報專訊】香港呢個彈丸之地,其實都有好多唔同種類嘅雀仔。香港觀鳥會前日周日舉行「觀鳥馬拉松2019」,今年大會第一次搞「體驗賽」畀無觀鳥經驗嘅新手參加,食衛局前局長高永文同天文台前台長林超英、香港單車隊前代表黃金寶等,擔任體驗賽嘉賓組嘅「名譽領隊」,組成「禾花雀」隊參賽。

盼大家支持本地農產品

喺「體驗賽」同「親子賽」,109個參賽者組成隊伍,喺塱原、九龍公園及米埔兵分幾路,鬥快喺7個鐘內觀察到最多種類嘅雀仔。當日好多人係第一次參加觀鳥賽,佢哋都好驚訝原來身邊有咁多品種嘅雀仔。本身係「香港觀鳥會禾花雀保育大使」嘅高永文話,相信大家唔希望禾花雀絕種,除咗支持鳥類研究,大家可以做嘅就係支持本地農產品,希望禾花雀去到邊都有米食。佢仲話,希望黃胸鵐(即禾花雀)嘅保育好似黑臉琵鷺咁成功!

相關字詞﹕黃金寶 林超英 高永文 香港觀鳥會 禾花雀

上 / 下一篇新聞