港聞

港聞二

下一篇
上一篇

擺街站扮兔仔 二少遇感情求助

【明報專訊】未到復活節,實政圓桌立法會議員田北辰近日已經悉心打扮,落地區同街坊慶祝。擺街站期間,二少遇到一個自稱係更生者嘅男士,話自己剛剛重投社會,但畀老婆趕走咗,瞓咗幾日天橋,於是問二少點算好!

更生者老婆唔畀返屋企

田二少話,上周六喺天水圍天橋擺街站時,有一個男士觀察咗好耐,先敢行埋去搵佢。

田二少話呢名譚先生訴苦,話自己係更生者,但佢老婆唔畀佢返屋企,佢瞓咗幾日天橋,唔知點算好。

田二少話於是親自打咗5個電話,搵唔同部門人員,睇吓可唔可以支援譚先生。田二少話搵到天水圍綜合家庭服務中心嘅人員,安排下晝同譚先生見面,但譚先生無出現,至噚日都無回電話,所以唔知佢狀况點樣。

除咗呢名更生者,擺街站期間都有唔少街坊問二少點樣可以領取政府嘅4000元津貼,亦有其他各式各樣嘅查詢,難怪田二少話一心諗住假期前派吓朱古力、畫吓復活蛋、扮吓兔仔同小朋友玩,點知遇到咁多求助個案。

上 / 下一篇新聞