港聞

港聞二

下一篇
上一篇

輸外勞問題 考起IQ160

【明報專訊】政府唔少政策都屬於跨部門範疇,究竟邊個部門牽頭、要搵邊個部門爭取,有時就連議員都覺得亂。立法會財委會噚日繼續審議政府新一財政年度開支預算,航運交通界議員易志明向勞工及福利局長羅致光提出,𠵱家職業司機短缺,認為政府應該將運輸業納入「補充勞工計劃」,等業界可以申請由外地引入新血。

易志明爭取輸入司機

羅致光唔識答

以IQ 160見稱嘅羅致光話自己唔識答:「坦白講,我就唔識答易議員,究竟我哋𠵱家係咪可以將職業司機納入『補充勞工計劃』,政策要考慮嘅因素有咩,我真係唔識。」佢又叫各位議員如果有關於輸入外勞嘅問題,應該搵相關嘅政策局研究,例如輸入職業司機就應該搵運房局。

可能易志明不滿羅致光「交波」畀運房局,有啲勞氣咁話:「喺我眼中政府只有一個,並非有十幾個政府……勞福局係咪可以內部協調?我同運房局講過好多次,不過你哋左手交右手、右手交左手,交來交去得個桔,我唔知點跟進落去。」羅致光話唔係想推畀其他政策局,不過就重申答唔到運房局嘅政策。

上 / 下一篇新聞