港聞

港聞二

下一篇
上一篇

發問舒暢 阿臻開會當休息

【明報專訊】立法會議員公民黨陳淑莊(Tanya)同社福界邵家臻兩名佔中案被告,被控「煽惑他人犯公眾妨擾罪」同「煽惑他人煽惑公眾妨擾罪」罪成,法官押後至本月24日判刑。有讀者報料話,噚日朝早喺飛往台灣嘅航班上見到Tanya,形容Tanya喺機上神情輕鬆。Emily就此問及Tanya,佢只確認身處台灣,其他問題就無回應喇。

至於邵家臻,Emily見佢噚日返咗立法會開會,佢話判決當日已經帶埋護照去法庭,以為會被沒收,但最後冇。不過佢就冇選擇去旅行,佢解釋一來旅行癮唔大,同埋想留港處理佢心目中嘅「unfinished business」。

立法會噚日舉行4節特別財委會,朝早嘅會同保安事務有關,阿臻話三任懲教署長都好難約到,噚日開會終於有機會「直面」署長,問佢關於智慧監獄及釋前就業計劃等問題。晏晝兩節同勞工福利有關嘅會議,阿臻都有出席。佢喺facebook形容,問咗要問嘅問題,感到舒暢,都係唔錯嘅「休息」。

上 / 下一篇新聞