港聞

港聞二

上一篇

陶傑將帶遊學團 日間沒收手機

【明報專訊】名人陶傑(圖)除咗做電台、寫文章,近期仲撈過界,準備做埋導遊,帶學生遊學團去英國學習英文傳統文化。

陶傑現為教材出版社DR-Max《國際學生時報》主編,佢話學生學習英語,最重要係先學好聽同講,自然會建立到一套英文寫作技巧,而搞遊學團「唔係正式上堂,目的係透過旅遊方式,畀學生睇多啲嘢同學多啲嘢」。陶傑今次協助設計12日嘅遊學行程,8月上旬出發,會走訪現代英國文化包括語文、歷史、宗教及藝術等起源地,以及多個發生重大歷史事件嘅地方及名人故居,例如聖公會與羅馬教廷分裂之地、馬克思故居、作家狄更斯故居等。

陶傑又講明,參與嘅學生日間必須被沒收手機,全程英語對話,目的係畀佢哋專心享受呢次遊學體驗。

上 / 下一篇新聞