港聞

港聞二

下一篇
上一篇

城大獸醫中心開幕 切燒豬捱批

【明報專訊】城市大學獸醫診所將由旺角太平道遷至深水埗,「城大動物醫療中心」上月尾舉行開幕禮,城大校長郭位叫埋城大動物醫療有限公司董事會主席劉鳴煒,一齊切燒豬,慶祝中心開幕。城大將相片上載到facebook專頁,引嚟唔少網民非議,有人批評行為諷刺,有違救助動物精神,亦有人問「係咪示範緊解剖」。不過都有網民話,其實食燒豬都唔係咁大件事喎。

Emily睇番城大早前發出嘅新聞稿提到,中心以推動動物福利及企業責任為核心使命之一,開幕禮上劉鳴煒亦有發言,「動物醫學不限於照顧寵物,還關乎公共衛生,我期望中心將擔當領導角色」。

Emily噚日就事件向城大查詢,截稿前未有收到回覆;噚晚再睇城大facebook相關帖文,發現切燒豬相已經唔見咗喇。

相關字詞﹕動物 燒豬 獸醫診所 劉鳴煒 城市大學

上 / 下一篇新聞