港聞

港聞二

下一篇
上一篇

陳凱欣否認與陳肇始不和

【明報專訊】食物及衛生局前政治助理陳凱欣晉身議會數月,聚焦醫療議題,對住前上司、食衛局長陳肇始毫不留情,外界亦不時傳出二人不和。陳凱欣噚日喺傳媒茶敘開腔,否認不和傳聞,話自己只係針對政策,唔係針對人。不過,陳凱欣承認自己同局長風格不同,形容局長予人溫婉、穩如泰山嘅感覺,但面對麻疹疫情,佢覺得局長可以加多兩錢肉緊,都好過平淡去處理。

陳凱欣話自己關注醫療議題,唔係要針對前上司,而係佢本身做醫療記者出身,比較熟悉相關範疇,所以近月較多同食衛局喺議會交鋒,佢強調對事不對人。佢又話,喺上屆政府任期內,佢同陳肇始分別負責對外同對內工作,好少「行孖咇」,但醫委會改革期間一齊喺議會,「好合作嘅時候又無人寫」,重申二人並非不和。

被問到點樣評價陳肇始,陳凱欣覺得局長比較「溫婉」、「好有教授嘅感覺」。

相關字詞﹕陳肇始 陳凱欣

上 / 下一篇新聞