港聞

港聞二

下一篇
上一篇

新領導層出爐 陳學鋒任民記副主席

【明報專訊】民建聯(民記)噚日選出新一屆領導層,李慧琼(Starry)繼續擔任主席,而原為秘書長嘅陳學鋒就代替彭長緯出任副主席,秘書長就由離島支部主席、國泰航空高級顧問嘅王舜義擔任。Starry話,民記未來會繼續堅守一國兩制、維護《憲法》和《基本法》權威, 反對鼓吹港獨自決行為,同埋打好嚟緊嘅區議會同立法會選戰等。民記會趁住中共建政70周年,搞多啲活動,等各界更認識祖國。至於會唔會訪京?Starry話未有決定。

新任秘書長王舜義話,希望將民記跨階層工作做得更好,例如喺公共政策同推廣粵港澳大灣區方面做得更多。副主席陳學鋒過去為民記做新媒體建設,民記個facebook專頁讚好人數突破4萬,佢話未來會繼續透過唔同渠道做網宣,例如instagram。

民建聯原本有4個副秘書長位,今屆加多一個,由青年民建聯主席顏汶羽出任。有指係因為想增加多一個階梯畀黨內年輕人,Starry噚日話今年係青民成立15周年,希望多同青年會員溝通,將青民推高一台階。至於20名常委中,有3名新人,包括新世界發展有限公司策略發展部董事許正宇,佢係已故民政事務局前副局長許曉暉嘅細佬。

相關字詞﹕陳學鋒 李慧琼 民建聯

上 / 下一篇新聞