港聞

港聞二

下一篇
上一篇

曾偉雄新公職 王志民:中央肯定貢獻

【明報專訊】警務處前處長曾偉雄去年獲委任做全國政協委員後,早前再獲中央委任佢做國家禁毒委員會副主任;中聯辦主任王志民日前就同曾偉雄見面,網站噚日上載兩人會面相片,提到王志民祝賀對方有新國家公職,形容呢個係「香港同胞參與國家治理實踐的又一生動寫照」,充分體現咗中央政府對曾偉雄做警務處長時嘅忠誠履職,喺打擊犯罪、保護香港民眾安全、維護香港社會穩定方面做出重要貢獻嘅高度肯定,亦係對特區政府同紀律部隊嘅高度信任。

王志民又提到,曾偉雄日前率領中方代表團去泰國,出席聯合國毒品和犯罪問題辦公室主辦嘅活動,並發表演講,王形容活動好成功,很好地「完成中央政府交給的外訪任務」,希望對方繼續忠誠履職,進一步展現香港紀律部隊傑出代表嘅專業精神同執行力。稿件又引述曾偉雄話,感謝中央信任,對能夠直接參與國家治理實踐覺得好榮幸同責任重大,會全力以赴履職,發揮過去嘅工作經驗,更好咁服務國家。

相關字詞﹕國家禁毒委員會副主任 中聯辦 王志民 曾偉雄 emily

上 / 下一篇新聞