港聞

港聞二

下一篇
上一篇

缺席財委會 盧偉國關西連日歎美食

【明報專訊】立法會一連五日舉行財委會特別會議,審議新一個財政年度各部門嘅開支預算,噚日係第一日會議,不過唔係個個議員都有出席,好似由上星期起已不斷喺facebook分享旅遊相片嘅經民聯主席盧偉國,似乎無理會噚日應該係開財委會嘅日子,繼續分享佢嘅「奈良和歌山賞櫻之旅」,仲好似食神咁嘅款,非常仔細咁描述美食。

盧偉國上周五清明節出發去關西旅行,連日來post遊記,噚日係第6篇,相信佢旅程好愉快,所以忍唔住每日分享,即使噚日係財委會召開3節特別會議嘅日子亦唔例外。盧偉國話,今次係同一對喺加拿大返港嘅好友去賞櫻,噚日離開和歌山,搵到另一間鰻魚專門店,喺白浜到關西機場途中,於是佢就去碰吓運氣。

盧偉國講埋該店嘅電話同地點,形容去到見到門口泊滿車,「空氣中傳來陣陣烤鰻魚嘅香氣」,就知自己搵啱咗,大讚鰻魚「燒得外脆肉軟,甘香豐腴!米粒粘上特製醬汁,風味絕佳」(見圖)。

相關字詞﹕財委會 盧偉國 emily

上 / 下一篇新聞