港聞

港聞二

上一篇

狗狗跌石隙 波哥直擊消防拯救

【明報專訊】保險界立法會議員陳健波(波哥)除咗鍾意喺facebook分享保險、養生知識,原來佢都相當關注狗狗。話說波哥噚日上載咗條「消防救狗實錄」短片,記錄噚日喺數碼港海濱公園運動時,見到消防員喺海旁努力將跌落石隙嘅狗狗救出。片段所見,當時有唔少街坊圍觀,狗狗被抱出一刻圍觀途人拍晒手掌。消防員其後搬大石封咗出事洞口,波哥感嘆「我諗這就是消防、紀律部隊精神,一定要多支持」。

雖然狗狗安然無恙,不過波哥覺得事發範圍附近仲有好多洞口,仍然相當危險,呼籲有關部門要做嘢,又叮囑大家如果去海濱公園一帶,要小心唔好畀狗狗走去附近位置,以免跌落石隙。

相關字詞﹕紀律部隊 立法會議員 消防員 保險

上 / 下一篇新聞