港聞

港聞二

下一篇
上一篇

樂樂盈盈發情 海洋公園熊貓館關閉

【明報專訊】大熊貓樂樂同盈盈喺香港住咗超過12年,一直未有細路,海洋公園同四川嘅專家都幾頭痛!海洋公園發言人噚日話,3月下旬開始,發現盈盈玩水時間比平時耐,樂樂就喺佢嘅棲息地留低氣味,同埋有啲嗅探盈盈氣味嘅動作,呢啲行為似乎同大熊貓發情行為脗合,加上盈盈荷爾蒙水平亦有變化,公園獸醫團隊確認,兩隻大熊貓已進入今年嘅繁殖期。

為咗唔好阻住樂樂同盈盈「行埋」,畀佢哋喺合適嘅環境下交配,海洋公園噚日宣布即日起暫停開放「大熊貓之旅」展館;展館幾時可以開番?海園公園話𠵱家講唔到,總之要關館至另行通知。因為樂樂盈盈發情而關館,Emily都聽咗幾年,但佢哋年年都搞唔出BB,希望今年有好消息啦!

上 / 下一篇新聞