港聞

港聞二

下一篇
上一篇

啟德睇退役飛機 何啟明父子斷電

【明報專訊】政府早前選址啟德跑道公園,公開展覽政府飛行服務隊嘅退役飛機「捷流41」,工聯會立法會議員何啟明趁噚日放假,帶埋一向鍾意飛機嘅囝囝去參觀。何啟明同Emily講,囝囝一向鍾意交通工具,返學時搭紅van都會寧舍開心,仲講咗好多日要睇真飛機,所以趁噚日就同囝囝去行吓,佢話囝囝仲玩到冇晒電,回程時要佢抱𠻹。

雖然跑道公園有大草地,位置相當靚,但何啟明話因為交通不便,所以人流較少,只有「有恒心」嘅人先會去。講到交通,佢批評郵輪碼頭一帶嘅泊車位置同公園相距甚遠,佢足足行咗15分鐘。何啟明話去程時囝囝未瞓,都有電散吓步,但回程時囝囝太攰就要抱,「我都放晒電呀!」何啟明話,遲吓見到商務及經濟局長邱騰華,一定要將呢次親身經歷向佢反映吓,睇吓點樣方便市民參觀。

相關字詞﹕飛機 邱騰華 啟德 工聯會 emily

上 / 下一篇新聞