港聞

港聞二

下一篇
上一篇

倪匡訪問突抽起 港台話技術出錯

【明報專訊】香港電台原定噚晚7時05分喺港台31台同網上,播出由資深大律師石永泰做主持、訪問作家倪匡嘅《鏗鏘說》節目,最終卻變成重播訪問導演莊文強嘅舊片。訪問中,倪匡談及香港言論自由、取消議員資格(DQ)事件,以及內地文革時情况,港台機構傳訊及節目標準組總監伍曼儀噚日向Emily解釋,今次係電腦系統出錯,完全屬技術問題,同政治或自我審查無關。

倪匡:共產黨管治地方無希望

據悉,石永泰喺節目中問及倪匡對年輕人有何寄語時,倪匡形容「共產黨管治的地方怎會有希望?沒有希望的。」伍曼儀強調,喺播放時間前,工作人員已將訪問倪匡嘅一集,編排喺自動播放系統內,出錯後人員已經盡快修正,並安排喺噚晚11點同今晨1點,足本播番全集,港台網頁亦可足本觀看。至於會否再擇日子喺黃金時間播出,伍曼儀就話要先向同事了解。

上 / 下一篇新聞