港聞

港聞二

上一篇

邵家輝提問 環境局87個字K.O.

【明報專訊】立法會財委會下星期一開始一連6日召開特別會議,審核政府新一年度開支預算,一眾議員之前已經就唔同政策局嘅範疇提出一系列問題,各個政策局最近都開始提交書面回覆。其中環境局前日就向財委會提交咗546頁書面回覆,對大部分提問回覆嘅篇幅都相當長,唯獨係回覆自由黨邵家輝嘅其中一條問題,只得87個字。

電費紓緩計劃唔包工商機構

邵家輝嘅提問係關於「電費紓緩計劃」,要求環境局提供受惠嘅住宅同工商機構比例。環境局回覆話,電費紓緩計劃係針對住宅用戶,即係受惠嘅全部都係住宅用戶,用咗唔夠100個字已經答完。

Emily都有上網search番,其實環境局網站都有介紹電費紓緩計劃,開宗明義係紓緩住宅用戶嘅電費壓力。唔知邵議員係咪無睇環境局嘅介紹,又或者因為佢係批發零售界議員,對工商界特別關心,所以就算明知個計劃唔包工商機構,都想幫業界爭取埋。

上 / 下一篇新聞