港聞

港聞二

下一篇
上一篇

新民黨生日會表演 有人唱歌有人跳繩

【明報專訊】新民黨今個星期六(13日)會喺荃灣嘅如心海景酒店,搞8周年黨慶晚宴,新民黨主席葉劉淑儀之前同Emily講,今年目標係籌得500萬以上。

Emily聽聞,新民黨多個成員都會喺晚宴上傾力演出,唔知到時會唔會吸引到嘉賓即席慷慨解囊呢?該黨嘅立法會議員容海恩(Eunice)透露,當晚會同新民黨青委執行副主席葉沛霖一齊唱《東方之珠》,仲有一班公務員合唱團陪佢大合唱。至於會唔會帶埋BB囡一齊出席黨慶亮吓相,Eunice就話唔會喇。

目標籌得500萬以上

Eunice話《東方之珠》唔易唱,平時有唱開歌嘅佢,都要認真練習下。新民黨南區區議員陳家珮亦同Emily講,佢會唱好有香港情懷嘅《獅子山下》。至於該黨青委副主席、曾經參選香港小姐嘅劉聖雪就會表演花式跳繩。佢話初中開始打羽毛球,平時練習都要跳繩,所以都跳咗好多年。咁相信呢個表演無難度啦!

相關字詞﹕陳家珮 容海恩 新民黨

上 / 下一篇新聞