港聞

港聞二

下一篇
上一篇

國際七欖打到嚟 睇波睇衫更要睇路

【明報專訊】一年一度香港國際七人欖球賽噚日開始,運輸署提醒巿民,一連三日賽事舉行期間,掃桿埔同銅鑼灣會實施特別交通及運輸安排。

Emily噚日聽入場採訪嘅同事講,場內熱鬧非常,唔少觀眾「盛裝」出席,有人扮恐龍,有人扮香蕉,亦有唔少人帶埋區旗,係噚日熱辣辣嘅日子中歡聚一番。

唔入場嘅巿民亦要留意,3日賽事期間,早上約7點起,加路連山道(北行)同禮頓道東面交界至棉花路之間一段道路、介乎新寧道與開平道之間一段希慎道、位於新寧道 、敬誠街及摩頓臺停車灣等將會封路。另有道路改道,包括加路連山道與禮頓道西面交界至大球場徑之間一段道路將改為單向南行,介乎大球場徑與銅鑼灣道之間東院道改為單向北行等。

而下午約6時半開始,加路連山道、東院道、東院道輔助道路、棉花路等會封閉,直到人群散去。

上 / 下一篇新聞