港聞

港聞二

下一篇
上一篇

近30年四成無雨落 清明未必雨紛紛

【明報專訊】噚日清明節,Emily諗起細細個就讀過唐代詩人杜牧有首詩話「清明時節雨紛紛」,就睇番天文台資料,發現原來杜牧此言差矣。自1884年天文台有紀錄以來,落最多雨嘅清明節係1987年,降雨量達46.2毫米,而喺近30年就有12個清明節都無落雨,即係有四成係無落雨。

1987年清明落雨最多

睇番噚日,朝早陽光普照,直到晏晝兩點,只係喺西貢東錄到低於2毫米嘅雨量,其他地方就唔見有降雨,而大部分地區氣溫升到超過27度,跑馬地更加一度錄得30度,天文台仲發出黃色火災危險警告,令一班孝子賢孫拜山時都身水身汗。

黃錦星貼長輩圖 提醒拜山防火

見到咁多人拜山,環境局長黃錦星就特登喺facebook貼出咗一張「長輩圖」,話「有咩留番拜山先講」,趁大家可能拜緊山,提醒大家要小 心山火、自己水壺自己帶、自己垃圾自己帶走,仲key埋大嘥鬼個樣落朵荷花度,非常搞鬼。

有網友即刻話呢朵係「傳說中嘅鬼鬼荷花」,仲有人留言話「笑死無命賠」,睇嚟局長放假都出post軟銷係幾成功。

上 / 下一篇新聞