港聞

港聞二

下一篇
上一篇

夏蕙BB守護大嶼 化身美人魚

【明報專訊】明日大嶼方案惹來唔少環保團體激烈反對,今次綠色和平就請來網民愛戴嘅夏蕙姨幫手反對,由佢化身美人魚坐喺岸邊,落力大叫要年輕人帶佢返去大海!

「香港無地方咩?點解要填海?」

喺條影片一開始,黃夏蕙就話:「梗係反對啦!香港無地方咩?點解要填海啊?」畫面一轉,夏蕙姨已經坐喺海邊,話自己失去家園,請求年輕人帶佢返大海。一個年輕男子一口答應,推住瞓喺浴缸裏面嘅夏蕙姨,辛辛苦苦咁尋覓大海。

夏蕙姨途中話:「大嶼山有香港最長嘅海岸線,係香港自然環境一道重要嘅防線,我哋點解要犧牲自己最靚、最美好嘅地方呢?」年輕人一手「公主抱」抱起美人魚夏蕙姨,奔向大海。夏蕙姨仲好激動咁話:「海啊!到啦!」最後,夏蕙姨語重心長咁講:「年輕人,齊齊跟住我,守護大嶼,唔好搞個海!」有網民話好欣賞夏蕙姨肯咁樣企出嚟反填海。條影片post咗3個鐘,有16,000人睇過,665個人畀like。

相關字詞﹕黃夏蕙 夏蕙姨 emily 綠色和平 明日大嶼

上 / 下一篇新聞