港聞

港聞二

下一篇
上一篇

非物質文化遺產計劃 資助額最少25萬

【明報專訊】本港有唔少傳統文化同技藝,部分已經日漸式微,為咗鼓勵社區同團體舉辦活動去保育、傳承同埋研究非物質文化遺產,例如港式奶茶、大坑舞火龍、戲棚搭建,康文署推出資助計劃,首輪「社區主導項目」上月25日起接受申請,5月3日截止,申請金額門檻至少25萬元。

康文署喺2014年公布香港首份非物質文化遺產清單,有480個項目,前年再揀咗其中20個急需保存同有高文化價值嘅項目,列入代表作名錄。今次計劃涵蓋資助同香港非物質文化遺產有關嘅計劃,每個計劃申請資助額至少25萬元,不設上限,要經評審小組審批。批出資助後,小組會監察計劃進度同評估成效。

康文署助理署長(文博)陳承緯同Emily講,今次係將主動權交番畀社區,希望推廣及傳承非遺項目。至於點解要訂申請金額下限,佢話唔希望申請項目太零碎,要有一定規模。非物質文化遺產辦事處總監何詠思話,一啲急需保護嘅非物質文化遺產項目、有傳承人參與、年輕人可參與嘅計劃,都會獲優先考慮。

相關字詞﹕舞火龍 奶茶 非物質文化遺產 康文署

上 / 下一篇新聞